鷗翼寶馬空降中環 混得招積
電能、混能越搞越成熟，慳油行得遠再唔係唯一賣點，你睇寶馬啱啱 空降 IFC嘅 Vision，同樣以混能引擎賣環保，但一身科幻超跑 Look，未撻匙已型到殺死人，呢架 356匹猛獸耗油只係每公里 3毫子，邊有混能車型得咁招積 o架！記者：徐影龍攝影：陳盛臣Model： Pinky@Pure Models
科幻式 鬼面罩
■油壓式鷗翼車門，靚得嚟又唔怕夾親人。
寶馬呢 架寸爆混能超跑，全名為 BMW Vision Efficient Dynamics Concept，喺上年法蘭克福車展已率先亮相，為廠方力谷嘅節能技術 Efficient Dynamics造勢。 1.24米低矮車身，配襯全身誇張科幻設計，外殼層次鋪排巧妙，已經好難分辨到頭尾唇同裙腳，唔係睇到家族式雙腎鬼面罩，都認唔到係寶馬嘅 Concept Car。複雜中卻又充滿科技智慧，可算係車壇藝術品。實地近距離接觸，發覺 Vision雖比想像中細小，但一畫式頭燈連鬼面罩，令視覺上仍充滿超跑氣勢，近睇科幻味更為濃烈，廠方話外形已接近最終版本，量產化後應該唔會走晒樣， 依然可以型爆港九新界。
放大圖 片
■互叠式輪圈已經夠靚，加埋 R21薄胎，超有氣勢。
放大圖 片
■量產後應該係一貫嘅電子波棍，下方仲有未來版 iDrive。
356 匹僅$0.3/kmVision絕非得個超跑樣，內櫳都係超乎現實；雙門四座格局，上落車時啟動一對巨大鷗翼車 門，美得令人震懾。走入車內，一堆圓形扭曲線條充斥內櫳，由軚盤到波棍都好有 Design味，幾乎肯定量產版一定會大執個內櫳。另一重點係接近全玻璃嘅車頂，採用 Polycarbonate（聚碳酸酯樹脂玻璃）製造，可隨光線強弱而自動變光或暗，令乘客享受開揚度之餘，亦不致曬到變燒豬。雖只搭載一副 1,500cc直三柴油 Turbo引擎，不過配合兩台複合式電摩打，馬力居然達到 356匹，扭力更誇到有成 800Nm， 0-100km僅需 4.8秒。今時今日嘅混能技術，已足夠落 Track同人鬥車。用得 Efficient Dynamics技術，肯定低廢氣兼慳油。以目前香港柴油價嚟計，耗油大概$0.3/km，二氧化碳排放亦只係 99g/km。 BMW Vision，確實係有姿勢兼夠實際。
放大圖 片
■近乎全玻璃頂設計，更採用自動減弱強光嘅物料。
放大圖 片
■鬼面罩連頭燈一畫過，着藍光後又係型到爆。
放大圖 片
■車尾線條勁複雜，尾燈一塊過夠招積。
放大圖 片
■未來版 GPS，全程 3D立體化。
BMW Vision Efficient Dynamics Concept規格 放大圖片
■ 1.5L居然有成 356匹，混能一樣爆得起。
引擎： 1,500cc直三柴油 Turbo引擎+電摩打馬力： 356匹扭力： 800Nm0-100km/h： 4.8秒極速： 250km/h（電子限速）查詢： BMW HK（ 3129 9010）
今日搶 睇 Vision 放大圖片
日期： 今日起至 7月 12日時間： 10:30am-7:30pm地點：中環國際金融中心商場第一層中庭
