以香港為背景的 PlayStation Move Game : Kung Fu Rider

講到全新體感遊戲碟，主打係首隻配上廣東話嘅《功夫滑仔》（ Kung Fu Rider），製作人池尻大作噚日飛嚟香港介紹。佢話為咗製作呢隻港式遊戲，派咗一隊人嚟香港女人街、石板街、會展等地取景；古仔係講一個香港私家偵探俾流氓追打，隨手坐住張凳飛出石板街逃跑。
黃婉曼即場試玩，見佢揸住控制器，左搖右 fing、又扭又跳玩到喪晒。佢話以前好少打機，嫌手掣好難操控，但係體感式控制好易玩，投入感好高。 SCEH下月 1至 22日喺沙田新城巿廣場畀機迷試玩。